ટંકારાના છતર ગામમાંથી જુગાર રમતા આઠ ઈસમો ઝડપાયાં

ટંકારા તાલુકાના છતર ગામે બે અલગ અલગ જગ્યાએ રેઇડ કરી જાહેરમાં જુગાર રમતા આઠ ઇસમોને રોકડા રૂપીયા-૨૪,૮૦૦/- ના મુદામાલ સાથે ટંકારા પોલીસે ઝડપી પાડયા છે.

ટંકારા પોલીસના સર્વેલન્સ સ્ટાફ પોલીસ સ્ટેશન વિસ્તારમાં પેટ્રોલીંગમાં હોય તે દરમ્યાન છતર ગામે દેવીપુજક વાસમાં સ્ટ્રીટ લાઇટના અંજવાળે જાહેરમાં ગોળકુંડાળુ કરી અમુક ઇસમો જુગાર રમતા હોવાની બાતમીના આધારે રેઇડ કરી આરોપી (૧) શૈલેષભાઇ ચમનભાઇ પરમાર ઉ.વ. ૨૬ (૨) સુભાષભાઇ રાજેશભાઈ પરમાર ઉ.વ-૨૮ (૩) અજયભાઇ મહેશભાઇ પરમાર ઉ.વ-૨૧ રહે. બધા છતર ગામ દેવીપુજક વાસમાં તા.ટંકારા જી.મોરબી વાળાને રોકડ રૂ.૧૧,૫૦૦/- ના મુદ્દામાલ સાથે પકડી પાડી તમામ ઇસમો વિરૂધ્ધ જુગાર ધારા કલમ-૧૨ મુજબ ટંકારા પોલીસ સ્ટેશનમાં ગુનો રજીસ્ટર કરાવેલ છે.

તેમજ છતર ગામ જય પાન પાછળની શેરીમાં લાઇટના અંજવાળે જાહેરમાં ગોળકુંડાળુ કરી અમુક ઇસમો જુગાર રમતા હોવાની બાતમીના આધારે રેઇડ કરી આરોપી (૧) અર્જુનભાઇ રાજેશભાઇ પરમાર ઉ.વ. ૨૩ (૨) છગનભાઈ ધનજીભાઇ પરમાર ઉ.વ. ૩૨ (૩) સંજયભાઇ રાણાભાઇ પરમાર ઉ.વ. ૩૬ (૪) સાયદભાઈ જેરામભાઇ પરમાર ઉ.વ. ૨૭ (૫) કૃષ્ણભાઇ રાજેશભાઈ પરમાર ઉ.વ. ૨૧ રહે. છતર ગામ તા.ટંકારા જી.મોરબી વાળાને રોકડ રૂ.૧૩,૩૦૦/- ના મુદ્દામાલ સાથે પકડી પાડી તમામ ઇસમો વિરુધ્ધ જુગાર ધારા કલમ-૧૨ મુજબ ટંકારા પોલીસ સ્ટેશનમાં ગુનો રજીસ્ટર કરાવેલ છે.