હળવદના કવાડીયા ગામની સીમમાં જુગાર રમતા પાંચ ઈસમો ઝડપાયાં

હળવદ તાલુકાના કવાડીયા ગામે ડેમ પાટી નામની સિમ ચંદુ કાનજીની વાડીના શેઢે જાહેરમાં તીનપત્તીનો જુગાર રમતા પાંચ ઈસમોને હળવદ પોલીસે ઝડપી પાડયા છે.

મળતી માહિતી મુજબ હળવદ તાલુકા પોલીસ ટીમ પેટ્રોલીંગમાં હોય તે દરમિયાન હળવદ તાલુકાના કવાડીયા ગામે ડેમ પાટી નામની સિમ ચંદુ કાનજીની વાડીના શેઢે જાહેરમાં તીનપત્તીનો જુગાર રમતા પાંચ ઈસમો અરવિંદભાઈ બચુભાઈ મહાલિયા, લાલજીભાઈ દેવશીભાઇ રાતૈયા, સંજયભાઈ ધનજીભાઈ ચારોલા, નવઘણભાઈ રણછોડભાઈ ચારોલા, સમરતભાઈ ધનશ્યામભાઈ શિહોરા રહે. કવાડિયા ગામ તા. હળવદવાળને રોકડ રૂપિયા ૧૫૭૦૦ નાં મુદ્દામાલ સાથે ઝડપી પાડી આરોપીઓ વિરુદ્ધ જુગારધારા કલમ હેઠળ ગુન્હો નોંધી કાયદેસરની કાર્યવાહી હાથ ધરી છે.