મોરબીના શહેરમાં સામાકાંઠે બે અલગ અલગ રહેણાંક મકાનમાંથી વિદેશી દારૂની 231 બોટલો ઝડપાઈ ; બે ઈસમોની ધરપકડ

મળતી માહિતી મુજબ મોરબી સિટી બિ ડિવિઝન પોલીસ ટીમ પેટ્રોલીંગમાં હોય તે દરમિયાન મોરબીના સામાકાંઠે આવેલ ત્રાજપર ખારીમા આરોપીએ વેચાણ કરવાના ઈરાદાથી વિદેશી દારૂ રહેણાંક મકાનમાં રાખેલ જે મળેલ બાતમીના આધારે બાતમીવાળી જગ્યાએ રેઇડ કરતા આરોપી પ્રવીણભાઈ ઉર્ફે પવો રઘાભાઈ સનુરાના રહેણાંક મકાનમાં વેચાણ કરવાના ઈરાદાથી રાખેલ વિદેશી દારૂની બોટલ નંગ-48 કિંમત રૂપિયા 16320 તથા મોબાઇલ ફોન નંગ-૦૧ કિંમત રૂપિયા 5000 મળી કુલ કિંમત રૂપિયા 21320 ના મુદ્દામાલ સાથે આરોપીને ઝડપી પાડી આરોપી વિરુદ્ધ પ્રોહીબીશન એક્ટ હેઠળ ગુન્હો નોંધી કાયદેસરની કાર્યવાહી હાથ ધરી છે.

બીજી રેઇડ દરમિયાન મોરબીના શોભેશ્વર રોડ પર શાંતિવન સોસાયટીમા રહેતા આરોપી સંજયભાઈ‌‌ હેમંતભાઈ ખમાણી કબજા ભોગવટવાળા રહેણાંક મકાનમાંથી વિદેશી દારૂની બોટલ નંગ -૧૮૩ કિંમત રૂપિયા ૧૪૬૪૦ નાં મુદ્દામાલ સાથે આરોપીને ઝડપી પાડી આરોપી વિરુદ્ધ પ્રોહીબીશન એક્ટ હેઠળ ગુન્હો નોંધી કાયદેસરની કાર્યવાહી હાથ ધરી છે.