હળવદના ટીકર ગામે શંકા કરી યુવક પર છરી વડે હુમલો 

મળતી માહિતી મુજબ હળવદ તાલુકાના ટીકર ગામે રહેતા મોહમદ અયાજ વારીશભાઈ કગથરા (ઉ.વ.૨૨) એ આરોપી ફિરોજ સલીમ સંધિ રહે. ટીકર રણ હળવદવાળા વિરુદ્ધ હળવદ પોલીસ સ્ટેશનમાં ફરીયાદ નોંધાવતા જણાવ્યું હતું કે આરોપીએ પોતાના કાકાની દિકરીની પાછળ ફરીયાદી જતો હોવાની શંકા અને વહેમ રાખી આરોપીએ ફરીયાદીને ગાળો આપી છરી વતી પેટના ડાબા પડખામાં ગંભીર ઈજા કરી તેમજ જમણા હાથમાં અને છાતીમાં ઈજા પહોંચાડી હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી આગળની કાર્યવાહી હાથ ધરી છે.