મોરબીમાં દોડતા ડમ્પરમાં અચાનક આગ ભભૂકી, ફાયર બ્રિગેડે સમયસર કાબૂ મેળવ્યો

ભરતનગર નજીક માળિયા હાઇવે પર ઘટના; જાનહાનિ ટળી, ડમ્પરને નુકસાન

મોરબી: મોરબીના ભરતનગર નજીક માળિયા હાઇવે પર રવિવારે (તા. 19-07-2026) બપોરે અંદાજે 12:45 વાગ્યે દોડતા ડમ્પરમાં અચાનક આગ ભભૂકી ઊઠતા થોડા સમય માટે અફરાતફરીનો માહોલ સર્જાયો હતો.

ઘટનાની જાણ થતાં જ મોરબી ફાયર બ્રિગેડની ટીમ તાત્કાલિક ઘટનાસ્થળે પહોંચી હતી. ફાયર જવાનોએ ઝડપી કામગીરી હાથ ધરી આગ પર સમયસર કાબૂ મેળવી લીધો હતો, જેના કારણે આગ વધુ ફેલાતી અટકી હતી અને મોટી દુર્ઘટના ટળી હતી.

આ ઘટનામાં કોઈ જાનહાનિ થઈ નથી. જોકે આગના કારણે ડમ્પરને નુકસાન પહોંચ્યું હોવાનું જાણવા મળ્યું છે. આગ લાગવાનું ચોક્કસ કારણ હજુ સુધી સામે આવ્યું નથી.