મોરબીમાં ઘરકંકાસમાં મહિલા પર લાકડાના ધોકા વડે હુમલો

મોરબીના શક્ત સનાળા નવા પ્લોટ વિસ્તારમાં રહેતા વૃદ્ધા પર તેમના જ દીકરાના સાળાએ લાકડાના ધોકા વડે હુમલો કરી ગંભીર ઈજાઓ પહોંચાડી હોવાની ફરીયાદ નોંધાઈ છે.

મળતી માહિતી મુજબ મોરબી શહેરમાં આવેલ શક્ત સનાળા નવા પ્લોટ વિસ્તારમાં રહેતા નંદુબેન છગનભાઈ સોલંકી (ઉ.વ.૫૫)એ આરોપી લલીતભાઈ ખેંગારભાઈ ઉભડીયા રહે. ભડીયાદ ગામ તા. મોરબીવાળા વિરૂદ્ધ મોરબી સિટી એ ડિવિઝન પોલીસ સ્ટેશનમાં ફરીયાદ નોંધાવતા જણાવ્યું હતું કે ફરીયાદીને આરોપીએ મારી બહેનને કેમ હેરાન કરો છો તેમ કહી ફરીયાદી સાથે ગાળા ગાળી કરી લાકડાના ધોકા વડે ફરીયાદિને બન્ને પગમાં તથા વાસાના ભાગે લાકડીનો ધોકા વડે માર મારી જાનથી મારી નાખવાની ધમકી આપી હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી કાયદેસરની કાર્યવાહી હાથ ધરી છે.