મોરબીમાં રહેણાંક મકાનમાં જુગાર રમતા ચાર ઈસમો ઝડપાયાં 

મોરબી શહેરમાં સામાકાંઠે આવેલ આનંદનગરમાં શેરી નં -૦૧ મા રહેતા આરોપીના રહેણાંક મકાનમાં જુગાર રમતા ચાર ઈસમોને મોરબી સિટી બી ડિવિઝન પોલીસે ઝડપી પાડયા છે.

મળતી માહિતી મુજબ મોરબી સિટી બી ડિવિઝન પોલીસ ટીમ પેટ્રોલીંગમાં હોય તે દરમિયાન મોરબીના સામાકાંઠે આવેલ આનંદનગરમાં શેરી નં -૦૧ મા રહેતા આરોપી ઈન્દ્રસિંહ નવલસિંહ જાડેજાના રહેણાંક મકાનમાં જુગાર રમતા ચાર ઈસમો ઈન્દ્રસિંહ નવલસિંહ જાડેજા રહે. આનંદનગર મોરબી, જગદિશભાઈ મોતીભાઈ નૈયા રહે. ગામ પીપડી માનસ સોસાયટી મેઇન શેરી મોરબી, યાશીનભાઈ રહિમભાઈ દલ રહે. વાવડી રોડ બાવલીયા પીરની દરગાહ પાસે મોરબી, ઉમેદભાઇ દાઉદભાઈ પઢીયાર રહે. ૧ વાવડી રોડ કારીયા સોસાયટી સોમૈયા સોસાયટીનીના બીજા ગેટ પાસે મોરબીવાળાને રોકડ રૂપિયા ૩૦૧૦૦ નાં મુદ્દામાલ સાથે ઝડપી પાડી આરોપીઓ વિરુદ્ધ જુગારધારા કલમ હેઠળ ગુન્હો નોંધી કાયદેસરની કાર્યવાહી હાથ ધરી છે.