હળવદના ધનાળા ગામે જાહેરમાં જુગાર રમતા છ પત્તાપ્રેમી પકડાયા 

હળવદ તાલુકાના જુના ધનાળા ગામે જાહેરમાં જુગાર રમતા કુલ -૦૬ આરોપીઓને રોકડ રૂા. ૧૪,૫૫૦ના મુદામાલ સાથે પકડી હળવદ પોલીસે ઝડપી પાડયા છે.

હળવદ પોલીસ સ્ટેશનના સર્વેલન્સ સ્ટાફને મળેલ બાતમીના આધારે ધનાળા ગામે જાહેરમાં જુગાર અંગે રેઇડ કરી જુગાર રમતા ૦૬ ઈસમો અશોકભાઈ પ્રેમદાશભાઇ વૈષ્ણવ રહે. આનંદ પાર્ક હળવદ તા.હળવદ, લલીતભાઈ હિંમતલાલ ઠાકર રહે, વેલાળા તા.મુળી જી. સુરેન્દ્રનગર, સંજયભાઈ ધારાભાઈ રંગપરા રહે, વેલાળા તા.મુળી જી.સુરેન્દ્રનગર, કરશનભાઈ નારણભાઈ સોનાગ્રા રહે,નવા ધનાળા તા.હળવદ, નીરવભાઈ પ્રવિણભાઈ ચૌહાણ રહે. દંતેશ્વર દરવાજા પાસે, વકીલ શેરી હળવદ, દિનેશભાઈ ઓગળભાઈ ઝીંઝવાડિયા રહે. જુના ધનાળા તા.હળવદવાળાને રોકડ રકમ રૂ.૧૪,૫૫૦/- ના મુદામાલ સાથે પકડી આરોપી વિરુધ્ધ જુગાર ધારા મુજબનો ગુન્હો રજીસ્ટર કરી કાયદેસરની કાર્યવાહી કરવામાં આવેલ છે.