હળવદના જુના વેગડવાવ ગામે જૂની અદાવતમાં યુવક પર ધારીયા વડે હુમલો; દંપતી વિરુદ્ધ ગુન્હો દાખલ

હળવદ તાલુકાના જુના વેગડવાવ ગામે અગાઉ જમીન બાબતે થયેલી કોર્ટ કાર્યવાહીનું મનદુઃખ રાખીને એક યુવક પર રસ્તામાં દંપતી દ્વારા ધારીયા વડે હુમલો કરી, ઢીંકાપાટુનો માર મારી તેમજ જાનથી મારી નાખવાની ધમકી આપી હોવાની ફરીયાદ નોંધાવતા પોલીસે ફરીયાદના આધારે દંપતી વિરુદ્ધ ગુન્હો નોંધી આગળ તપાસ હાથ ધરી છે.

મળતી માહિતી મુજબ હળવદ તાલુકાના જુના વેગડવાવ ગામે રહેતા અને ખેતીકામ કરતા કલ્પેશભાઈ ઉર્ફે ભાણો જેરામભાઈ નગવાડીયા (ઉ.વ. ૩૧, જાતે કોળી) એ આરોપી ભરતભાઈ ઉર્ફે સીસો ચતુરભાઈ સુરેલા તથા હંસાબેન ભરતભાઈ સુરેલા રહે. વેગડવાવ તા. હળવદવાળા વિરુદ્ધ હળવદ પોલીસ સ્ટેશનમાં ફરીયાદ નોંધાવતા જણાવ્યું હતું કે ફરીયાદીએ અગાઉ આરોપીના કુટુંબી ભાઈઓને જામીન કરાવેલ હોય જેનું મનદુખ રાખી ફરીયાદી આરોપીની વાડી પાસેના રસ્તા પાસેથી નીકળતા આરોપી ભરતભાઈએ પોતાના હાથમાં ધારીયુ લઈ આવી ફરીયાદીને પીઠના ભાગે મુંઢ ઈજા કરેલ તેમજ જમણા હાથના આંગળા પર બટકુ ભરી ઈજા કરી આરોપી હંસાબેનએ ફરીયાદીને ઢીંકાપાટુનો માર મારી આરોપીઓએ ગાળો આપી જાનથી મારી નાખવાની ધમકી આપી હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી ધોરણસરની કાર્યવાહી હાથ ધરી છે.