મોરબીના સીલ્વરપાર્કમાંથી રૂ.8.21 લાખનો વિદેશી દારૂ ઝડપાયો, આરોપી ફરાર

મારૂતિ સુપર કેરીમાંથી 1,092 બોટલ મળી; દારૂ સહિત કુલ રૂ.11.21 લાખનો મુદ્દામાલ જપ્ત

મોરબી જુનાઘુંટુ રોડ સીલ્વરપાર્ક સોસાયટીમાં મારૂતી કંપનીની સુપરકેરી માલવાહક ગાડીમાંથી ઈંગ્લીશદારૂની બોટલો નંગ ૧૦૯૨ કિં.રૂ. ૮,૨૧, ૨૯૨/- તથા અન્ય મુદામાલ મળી કુલ કિં.રૂ.૧૧,૨૧,૨૯૨/- નો મુદામાલ મોરબી ક્રાઇમ બ્રાંચે ઝડપી પાડ્યો છે.

મોરબી એલ.સી.બી. તથા પેરોલ ફર્લો સ્ટાફને સંયુક્તમાં ખાનગીરાહે બાતમી મળેલ કે, એક મારૂતી કંપનીની સુપર કેરી માલવાહક ગાડી નંબર GJ-36-V-5715 નો ચાલક તેના વાહનમા ભારતીય બનાવટના વિદેશી દારૂનો જથ્થો રાખી જુના ઘુટુ રોડ સીલ્વરપાર્કમા આવેલ છે. અને કોઇને આ દારૂ પહોંચાડવાની પેરવીમા છે તેવી બાતમી મળેલ હોય જે આધારે બાતમીવાળી જગ્યોએ રેઇડ કરતા નાશી જનાર વાહન ચાલકની ગાડીમાં અલગ-અલગ બ્રાન્ડની ઇંગ્લીશ દારૂ વ્હીસ્કીની કાચની ૭૫૦ મી.લી.ની કંપની સીલ પેક કુલ બોટલો નંગ- ૧૦૯૨ કિં.રૂ. ૮,૨૧,૨૯૨/- નો પ્રોહી. મુદામાલ ભરેલ વાહન જપ્ત કરી આરોપી વાહન રેઢુ મુકી નાશી જતા મોરબી સીટી બી ડિવિઝન પોલીસ સ્ટેશન ખાતે પ્રોહીબીશન ધારા તળે કેસ નોંધાવી આગળની ધોરણસરની કાર્યવાહી કરેલ છે.