મોરબી જિલ્લા પંચાયતની સામાન્ય સભાની ખાસ બેઠક 10 સપ્ટેમ્બરે મળશે

મોરબી જિલ્લા પંચાયત કચેરીની પંચાયત શાખા દ્વારા સામાન્ય સભાની એક ખાસ બેઠકનું આયોજન કરવામાં આવ્યું છે. આ બેઠક આગામી તારીખ ૧૦/૦૯/૨૦૨૬ ને ગુરુવારના રોજ બપોરે ૧૨:૦૦ કલાકે મોરબી જિલ્લા પંચાયત કચેરીના સભાખંડ (રૂમ નં. ૧૯) ખાતે યોજાશે.

આ ખાસ બેઠકમાં મુખ્યત્વે ચાર મહત્ત્વના કાર્યો પર ચર્ચા-વિચારણા કરી નિર્ણય લેવામાં આવશે. જેમાં સામાન્ય સભાની ગત બેઠકની કાર્યવાહી નોંધને બહાલી આપવી, ગત બેઠકના ઠરાવોની અમલવારીની સમીક્ષા કરવી તેમજ ૧૫ મા નાણાપંચ યોજના હેઠળ વર્ષ ૨૦૨૬-૨૭ ની જિલ્લા કક્ષાની ગ્રાન્ટના આયોજન અંગે વિગતવાર ચર્ચા કરવામાં આવશે. આ ઉપરાંત પ્રમુખ સ્થાનેથી રજૂ થનારા અન્ય વિકાસલક્ષી મુદ્દાઓ પણ આવરી લેવાશે.