મોરબીમાં જુગાર રમતા સાત ઈસમો ઝડપાયાં 

મોરબીના રવાપર ગામમાં સરદાર પટેલ સોસાયટીમાં આરોપીના કબ્જા ભોગવટવાળા મકાનમાં તીનપત્તીનો જુગાર રમતા સાત ઈસમો રોકડ રૂપિયા ૭,૮૫,૦૦૦ નાં મુદ્દામાલ સાથે સિટી એ ડિવિઝન પોલીસે ઝડપી પાડયા છે.

મળતી માહિતી મુજબ મોરબી સિટી એ ડિવિઝન પોલીસ ટીમ પેટ્રોલીંગમાં હોય તે દરમિયાન મળેલ બાતમીના આધારે મોરબીના રવાપર ગામમાં સરદાર પટેલ સોસાયટીમાં જયદીપભાઇ ઉર્ફે લાલા ગોવીંદભાઈ બકુત્રાના કબ્જા ભોગવટવાળા મકાનમાં તીનપત્તીનો જુગાર રમતા કુલ સાત ઈસમો જયદીપભાઇ ઉર્ફે લાલા ગોવીંદભાઈ બકુત્રા રહે. મોરબી રવાપર ગામ સરદાર પટેલ સોસાયટી, સંદીપભાઈ જગદીશભાઈ શેરસીયા રહે. મોરબી રવાપર મેઇન શેરી, આશીષભાઈ ભગવાનજીભાઈ ડાંગર રહે. મોરબી રવાપર ચિત્રકુટ સોસાયટી, ભાવીનભાઇ ગીરીશભાઈ કારીયા રહે.શનાળા રોડ ન્યુ ગુજરાત હાઉસીંગ બોર્ડ, રાજેશભાઈ ઉર્ફે મુન્નાભાઈ ગોવિંદભાઈ બકુત્રા રહે-વાવડી રોડ ગાયત્રી નગર પાછળ શ્રધ્ધા પાર્ક મોરબી, કિશનભાઈ દેવદાનભાઈ કુંભારવાડીયા, રહે-રવાપર ગામ સરદાર સોસાયટી શેરી નં-૩ મોરબી, ભાવેશભાઇ હિરાભાઇ જીલરીયા રહે-રવાપર સરદાર પટેલ સોસાયટી મોરબીવાળાને રોકડ રૂપિયા ૭,૮૫,૦૦૦ નાં મુદ્દામાલ સાથે ઝડપી પાડી આરોપીઓ વિરુદ્ધ જુગારધારા કલમ હેઠળ ગુન્હો નોંધી કાયદેસરની કાર્યવાહી હાથ ધરી છે.