મોરબીમાં તસ્કરોનો તરખાટ: રાધાકૃષ્ણ જ્વેલર્સમાંથી રૂ. 17.24 લાખના સોના-ચાંદીના દાગીનાની ચોરી

રાધાકૃષ્ણ જ્વેલર્સની પાછળની દિવાલ તોડી તસ્કરો ઘૂસ્યા, રૂ.17.24 લાખના સોના-ચાંદીના દાગીના અને ભંગારની ચોરી

મોરબીના સરદાર રોડ પર જુના બસ સ્ટેન્ડ નજીક આવેલા રાધાકૃષ્ણ જ્વેલર્સને તસ્કરોએ નિશાન બનાવ્યું છે. રાત્રિના સમયે દુકાનની પાછળની દિવાલ તોડી બાખોરું પાડી તસ્કરો દુકાનમાં પ્રવેશ્યા હતા.

દુકાનમાંથી આશરે 24 ગ્રામ સોનાના દાગીના, 6 કિલો 250 ગ્રામ ચાંદીના ઘરેણાં તેમજ 1 કિલો 500 ગ્રામ ચાંદીનો ભંગાર મળી કુલ રૂ.17.24 લાખની કિંમતની મત્તાની ચોરી કરી તસ્કરો ફરાર થઈ ગયા હોવાનું પોલીસ ફરિયાદમાં જણાવાયું છે.ઘટના અંગે દુકાનના માલિક દીપકભાઈ જયંતીભાઈ માંડલિયાએ અજાણ્યા ચોર ઈસમો વિરુદ્ધ મોરબી સિટી એ ડિવિઝન પોલીસ મથકમાં ફરિયાદ નોંધાવી છે.

ફરિયાદના આધારે પોલીસે ગુનો નોંધી ચોરીની ઘટનાની તપાસ હાથ ધરી છે. તસ્કરો સુધી પહોંચવા માટે પોલીસ દ્વારા તપાસના ચક્રો ગતિમાન કરવામાં આવ્યા છે.