હળવદના સુખપર ગામ નજીક એક્ટીવા પર વિદેશી દારૂની હેરાફેરી કરતા એક ઈસમ ઝડપાયો 

હળવદ તાલુકાના સુખપર ગામ પાસે એક્ટિવા સ્કૂટર પર ગેરકાયદેસર રીતે વિદેશી દારૂની હેરાફેરી કરતા એક ઈસમને હળવદ પોલીસે ઝડપી પાડ્યો છે.

મળતી માહિતી મુજબ હળવદ પોલીસ ટીમ પેટ્રોલીંગમાં હોય તે દરમિયાન મળેલ બાતમીના આધારે બાતમીવાળી જગ્યાએ વોચ ગોઠવી બેસતા હળવદ તાલુકાના સુખપર ગામ નજીક રોડ પર એક એક્ટીવા રજીસ્ટર નંબર -GJ-36-BC-4449 વાળીની તલાશી લેતા એક્ટીવામાથી વિદેશી દારૂની બોટલ નંગ -૯૬ કિંમત રૂપિયા ૧૨૦૦૦ તથા એક્ટીવા કિંમત રૂપિયા ૩૦,૦૦૦ મળી કુલ કિંમત રૂપિયા ૪૨૦૦૦ ના મુદામાલ સાથે આરોપી અજય વિનોદભાઈ સુરેલા રહે. હળવદ વાળાને ઝડપી પાડી આરોપી વિરુદ્ધ પ્રોહીબીશન એક્ટ હેઠળ ગુન્હો નોંધી કાયદેસરની કાર્યવાહી હાથ ધરી છે.