વાંકાનેરના ગુંદાખડા ગામની વાડીમાંથી કુલ 531 પેટી ઇંગ્લીશ દારૂ-બીયર સાથે બે ઝડપાયા

વાંકાનેર તાલુકાના ગુંદાખડા ગામની સીમમા આરોપીના કબ્જા ભોગવટા વાળી વાડીમા આવેલ રહેણાક મકાનમાથી ઇંગ્લીશ દારૂ-બીયરની અલગ અલગ બ્રાન્ડની કુલ ૫૩૧ પેટી કુલ બોટલ નંગ-૧૪૭૯૬ કિ.રૂ.૨૯,૪૭, ૫૬૪ ના મુદામાલ સાથે બે ઈસમોને વાંકાનેર તાલુકા પોલીસે ઝડપી પાડયો છે.

વાંકાનેર તાલુકા પોલીસ સ્ટેશનના સ્ટાફને ખાનગી રાહે બાતમી મળેલ હોય કે ‘ગુંદાખડા ગામના સીમમા નાથાભાઇ હરજીભાઇ વાજા પોતાના કબ્જા ભોગવટા વાળી વાડીમા આવેલ રહેણાક મકાનમાં ઈંગ્લીશ દારૂનો જથ્થો સંતાડી રાખેલ છે. જે સગેવગે કરવાની પેરવીમા હોય જે બાતમીના આધારે દારૂનો જથ્થો સગેવગે કરે તે પહેલા તાત્કાલીક બાતમીવાળી જગ્યાએ જઇ રેઇડ કરતા આરોપીઓ નાથાભાઈ હરજીભાઈ વાજા રહે ગુંદાખડા ગામના પાધરની સીમમા આવેલ વાડીમાં તા.વાંકાનેર તથા અશ્વીનભાઇ નાથાભાઇ વાજા રહે.ગુંદાખડા ગામના પાધરની સીમમા આવેલ વાડીમાં તા.વાંકાનેરવાળા હાજર મળી આવેલ હોય અને આરોપીઓ પાસેથી કુલ દારૂ-બીયરની પેટી-૫૩૧ બોટલ નંગ-૧૪૭૯૬ કિ.રૂ. ૨૯, ૪૭,૫૬૪ નો મુદ્દામાલ રહેણાંક મકાનમાંથી મળી આવતા કબ્જે કરી અટક કરેલ આરોપીઓ તેમજ દારૂનો જથ્થો મોકલનાર પકડવાના બાકી આરોપી ટકો રહે રાજસ્થાન તથા આરોપી જિતેશભાઇ ભિમાભાઇ રંગપરા રહે થાન તા.થાન જી.સુરેન્દ્રનગર વાળા તથા તપાસમા ખુલ્લે તે આરોપીઓ વિરુદ્ધ વાંકાનેર તાલુકા પોલીસ સ્ટેશન ખાતે પ્રોહીબીશન એક્ટ હેઠળ ગુન્હો નોંધી આગળની કાર્યવાહી હાથ ધરેલ છે