હળવદના ઘનશ્યામગઢ ગામે તીનપત્તીનો જુગાર રમતા સાત ઈસમો ઝડપાયાં

હળવદ તાલુકાના ઘનશ્યામગઢ ગામની સીમમાં કોંઢ જવાના જુના રસ્તે અજીતભાઈ ચૌહાણની વાડી પાસે જાહેરમાં તીનપત્તીનો જુગાર રમતા સાત ઈસમોને હળવદ પોલીસે ઝડપી પાડયા છે.

મળતી માહિતી મુજબ હળવદ તાલુકા પોલીસ સ્ટાફ પેટ્રોલીંગમાં હોય તે દરમિયાન હળવદ તાલુકાના ઘનશ્યામગઢ ગામની સીમમાં કોંઢ જવાના જુના રસ્તે અજીતભાઈ ચૌહાણની વાડી પાસે જાહેરમાં તીનપત્તીનો જુગાર રમતા સાત ઈસમો અજીતભાઈ રઘુભાઈ ચૌહાણ, દિનેશભાઈ નરશીભાઈ સોનાગ્રા, દયારામભાઈ લખમણભાઈ સોનાગ્રા રહે ત્રણે ઘનશ્યામપુર ગામ, તથા દયારામભાઈ ભીખાભાઈ ધારીયા પરમાર. રહે. હળવદ રઘુવિરસિંહ ખોડુભા ઝાલા , જગદીશભાઈ મુગટલાલ રાવલ રહે. બંને ગામ, કોયબા, તા. હળવદવાળાને રોકડ રૂપિયા ૩૨૪૬૦ ના મુદ્દામાલ સાથે ઝડપી પાડી આરોપીઓ વિરુદ્ધ જુગારધારા કલમ હેઠળ ગુન્હો નોંધી કાયદેસરની કાર્યવાહી હાથ ધરી છે.