મોરબીમાં નિઃશુલ્ક મલ્ટી સ્પેશિયાલિટી ફિઝિયોથેરાપી કેમ્પનું આયોજન, નિષ્ણાત ડોક્ટરો આપશે માર્ગદર્શન

મોરબીમાં દર્દીઓ માટે આરોગ્યલક્ષી મહત્વપૂર્ણ પહેલરૂપે રાજકોટની મારવાડી યુનિવર્સિટી તથા સંસ્કાર ફિઝીયોકેર સેન્ટર અને શ્રી સંસ્કારધામ ઇમેજિંગ સેન્ટરની મલ્ટી સ્પેશિયાલિટી ફિઝિયોથેરાપી ટીમ દ્વારા આવતીકાલે તા. 20 જૂન, 2026ના રોજ નિઃશુલ્ક ફિઝિયોથેરાપી કેમ્પનું આયોજન કરવામાં આવ્યું છે. કેમ્પ દરમિયાન વિવિધ પ્રકારની શારીરિક, ન્યુરોલોજીકલ અને બાળરોગ સંબંધિત તકલીફો માટે નિષ્ણાતોની સલાહ અને માર્ગદર્શન આપવામાં આવશે.

આ કેમ્પમાં સાયટીકા, ગાદી ખસવી, સાંધાના રોગો, ઘૂંટણનો ઘસારો, કમર-ગરદન-ખભાના દુખાવા, ટેનિસ એલ્બો, ફ્રેક્ચર બાદની સારવાર, લીગામેન્ટની ઇજાઓ સહિતની સમસ્યાઓ ધરાવતા દર્દીઓ લાભ મેળવી શકશે. ઉપરાંત સેરેબ્રલ પાલ્સી, ઓટિઝમ, હાયપરએક્ટિવિટી, બેલેન્સ પ્રોબ્લમ, જીબીએસ, પાર્કિન્સન્સ, પેરાલિસિસ તેમજ મગજ અને ચેતાતંત્ર સંબંધિત તકલીફોના દર્દીઓ માટે પણ નિષ્ણાત માર્ગદર્શન ઉપલબ્ધ રહેશે.

કેમ્પમાં બોલવાની અને ગળવાની તકલીફો ધરાવતા દર્દીઓ માટે વિશેષ માર્ગદર્શન આપવામાં આવશે. તેમાં તોતડું બોલવું, બાળકનું બોલી ન શકવું, ઓપરેશન બાદ બોલવામાં આવતી મુશ્કેલીઓ, પક્ષઘાત બાદની બોલવાની તકલીફો તથા ખોરાક ગળવામાં થતી સમસ્યાઓનો સમાવેશ થાય છે. ઉપરાંત ડિલિવરી પહેલાં અને પછીની કસરતો તેમજ વયજનિત શારીરિક તકલીફો માટે પણ માર્ગદર્શન આપવામાં આવશે.

કેમ્પ તા. 20 જૂન, 2026 (શનિવાર)ના રોજ સવારે 10:00થી બપોરે 1:00 વાગ્યા સુધી યોજાશે. કેમ્પનું સ્થળ બીજો માળ, સંસ્કારધામ ઇમેજિંગ સેન્ટર, શ્રી સ્વામિનારાયણ સંસ્કારધામ મંદિર પાછળ, જી.આઈ.ડી.સી. મેઈન રોડ, મોરબી રાખવામાં આવ્યું છે.

કેમ્પમાં ઓર્થો અને સ્પોર્ટ્સ ફિઝિયોથેરાપીસ્ટ ડૉ. શાહરુખ ચૌહાણ, કાર્ડિયો-પલ્મોનરી ફિઝિયોથેરાપીસ્ટ ડૉ. કુલદીપ રામાવત, પીડિયાટ્રિક ન્યુરો ફિઝિયોથેરાપીસ્ટ ડૉ. પુજા વોરા, ન્યુરોફિઝિયોથેરાપીસ્ટ ડૉ. પ્રીત મેહતા તથા ડૉ. કેશા અગ્રવાલ સહિતના નિષ્ણાતો હાજર રહી દર્દીઓને માર્ગદર્શન અને તપાસ સેવા આપશે.

આયોજકો દ્વારા કેમ્પમાં આવનાર દર્દીઓ માટે પૂર્વ રજીસ્ટ્રેશન ફરજિયાત રાખવામાં આવ્યું છે. દર્દીઓએ પોતાના જૂના મેડિકલ રિપોર્ટ સાથે રાખી મોબાઇલ નંબર 9099980151 અથવા 8160282456 પર સંપર્ક કરી રજીસ્ટ્રેશન કરાવવાનું રહેશે.