મોરબીમાં યુવકને સ્કૂટર અડાડી હેલ્મેટના ઘા ઝીંક્યા, જાનથી મારી નાખવાની ધમકી

મોરબીના વીસીપરા વિસ્તારમાં આજે વહેલી સવારે કૌટુંબિક મનદુઃખનો ખાર રાખીને એક યુવક પર જીવલેણ હુમલો કરાયો હોવાની ફરીયાદ મોરબી સીટી બી ડિવિઝન પોલીસ સ્ટેશનમાં નોંધાઈ છે.

મળતી માહિતી મુજબ મોરબીના વીસીપરા મદીના સોસાયટીમાં રહેતા મહેબુબભાઈ ઈકબાલભાઈ ભટ્ટી (ઉ.વ.૨૭) એ આરોપી શાહરૂખભાઈ જુસબભાઈ સંધવાણી રહે. વીસીપરા મદીના સોસાયટી મોરબીવાળા વિરૂદ્ધ મોરબી સિટી બી ડિવિઝન પોલીસ સ્ટેશનમાં ફરીયાદ નોંધાવતા જણાવ્યું હતું ફરીયાદી ના મોટાબાપુના દિકરાની વહુ સાતેક માસથી રીસામણે હોય જે આરોપીની બહેન થતી હોય જેનો ખાર રાખી આરોપીએ પોતાના હવાલાવાળી સ્કુટી પુરઝડપે અને ગફલતભરી રીતે ચલાવી ફરીયાદિના મોટરસાયકલ સાથે પાછળ થી અથડાવી નિચે પાડી દેતા ફરીયાદિએ સ્કુટી ધીમે ચલાવવા કહેતા આરોપી એકદમ ઉશ્કેરાઇ જઇ બિભત્સ ગાળો આપી પોતાના હાથમા રહેલ હેલ્મેટ ફરીયાદિના માથાના ભાગે બે-ત્રણ ઘા મારી સામાન્ય ઇજા કરી જાનથી મારી નાખવાની ધમકી આપી હોવાની ફરીયાદ નોંધાવતા પોલીસે ફરીયાદના આધારે ગુન્હો કાયદેસરની કાર્યવાહી હાથ ધરી છે.