માળિયા મિયાણાના કાજરડા ગામે યુવક પર લોખંડના પાઇપથી હુમલો

માળિયા મિયાણા તાલુકાના કાજરડા ગામે જૂની બોલાચાલીની અદાવત રાખીને એક યુવક પર ત્રણ શખ્સોએ લોખંડના પાઇપ વડે જીવલેણ હુમલો કર્યો હોવાની માળિયા મિયાણા પોલીસ મથકે ત્રણેય ઈસમો વિરૂદ્ધ ફરીયાદ નોંધાઈ છે.

મળતી માહિતી મુજબ માળીયા મીયાણા તાલુકાના કાજરડા ગામે રહેતા અયુબભાઈ ઉમરભાઈ કાજેડીયા (ઉ.વ.૩૫) એ આરોપી અસગર રમજાનભાઇ મોવર, આર્યન, આબીદ રમજાનભાઇ મોવર રહે.ત્રણેય કાજરડા તા.માળિયાવાળા વિરુદ્ધ માળિયા મીયાણા પોલીસ સ્ટેશનમાં ફરીયાદ નોંધાવતા જણાવ્યું હતું કે ફરીયાદીના ભત્રીજાને આરોપીઓ સાથે બોલાચાલી થયેલ હોય જેનો ખાર રાખી આરોપીઓએ ફરીયાદી સાથે બોલાચાલી ગાળા ગાળી ઝધડો કરી ત્રણેય આરોપીઓએ ફરીયાદને લોખંડના પાઇપ વતી જેમફાવે તેમ માર મારી ઈજા પહોંચાડી હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી કાયદેસરની કાર્યવાહી હાથ ધરી છે.