વાંકાનેરમાં IPL મેચ પર જુગાર રમતા એક ઈસમ ઝડપાયો

મળતી માહિતી મુજબ વાંકાનેર સીટી પોલીસની ટીમ પેટ્રોલિંગમાં હોય તે દરમિયાન બાતમી મળેલ કે નવાપરાના નાકા પાસે એક ઇસમ મોબાઇલ ફોન દ્વારા ક્રિકેટ મેચ પર જુગાર રમી રહ્યો છે. પોલીસે દરોડો પાડતા, આરોપી મહમંદઅલી ઉર્ફે ગટીભાઇ સુમારભાઇ હાલા (ઉં.વ. ૪૨), રહે. મીલપ્લોટ, વાંકાનેર પોતાના મોબાઈલ પર પંજાબ અને બેંગ્લોરની મેચના રનફેર અને હારજીત પર સોદા લખાવતો મળી આવતા આરોપીને રોકડ રૂપિયા ૭૫૦ તથા મોબાઇલ ફોન નંગ -૦૧ કિંમત રૂપિયા ૧૦,૦૦૦ મળી કુલ કિંમત રૂપિયા, ૧૦૭૫૦ નાં મુદ્દામાલ સાથે ઝડપી પાડી આરોપી વિરુદ્ધ જુગારધારા કલમ હેઠળ ગુન્હો નોંધી કાયદેસરની કાર્યવાહી હાથ ધરી છે.