જાંબુડિયા પાસે માર્બલ કારખાનામાં ચોરી; રૂ. 40 હજારનો લાઇવ કેબલ વાયર કાપી તસ્કરો ફરાર

દીવાલ ટપી કારખાનામાં ઘૂસેલા બે અજાણ્યા શખ્સો સામે પોલીસ ફરિયાદ

મોરબી તાલુકાના જાંબુડિયા ગામની સીમમાં આવેલા એક માર્બલ કટીંગના કારખાનાને તસ્કરોએ નિશાન બનાવ્યું છે. રાત્રિના અંધકારનો લાભ લઈ બે અજાણ્યા શખ્સો કારખાનાની દીવાલ ટપી અંદર ઘૂસ્યા હતા અને ચાલુ ઈલેક્ટ્રિક લાઈનનો કિંમતી કેબલ વાયર કાપીને ફરાર થઈ ગયા હોવાની ફરિયાદ મોરબી તાલુકા પોલીસ મથકે નોંધાઈ છે.

મળતી માહિતી મુજબ મોરબીના એસ.પી. રોડ પર આવેલા ફ્લોરા-૫૭માં રહેતા અને જાંબુડિયા ગામની સીમમાં ‘રોલેક્સ સ્પે ડાયલ’ નામની ભાગીદારી પેઢીમાં માર્બલ કટીંગનું કારખાનું ધરાવતા અંકુરભાઈ ડાયાભાઈ કગથરાએ આરોપી અજાણ્યા ચોર ઈસમો વિરુદ્ધ મોરબી તાલુકા પોલીસ સ્ટેશનમાં ફરીયાદ નોંધાવતા જણાવ્યું હતું કે ફરીયાદીની ભાગીદારી પેઢીના રોલેક્સ સ્પે ડાયલ નામના મારબલના કારખાનામાં મોડી રાતના સમયે કોઈ અજાણ્યા બે ઇસમો ચોરી કરવાના ઇરાદે કારખાનાની દિવાલ ટપી ગુપ્ત પ્રવેશ કરી કારખાનામાં ગોડાઉનની બહાર ચાલુ ઇલેકટ્રીક લાઇનના લગાવેલ ૧૦ એમ.એમ.ના કેલબ વાયર અંદાજે ૮૦ મીટર જેની કી.રૂ. ૪૦,૦૦૦/- ગણી શકાય જે તોડી કાપી ચોરી કરી લઈ ગયા હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી આગળની કાર્યવાહી હાથ ધરી છે.