માળિયા મિયાણામાં જૂની અદાવતમાં બાઇક સવારો પર સ્વિફ્ટ કાર ચડાવી જીવલેણ હુમલો: હવામાં ફાયરિંગથી ચકચાર

માળિયા મિયાણામાં જૂની અદાવતનો ખાર રાખી બે યુવકો પર સ્વિફ્ટ કાર ચડાવી, લાકડીના ધોકા વડે બેરહેમીથી માર મારી અને છેલ્લે જીવ લેવાના ઈરાદે જાહેરમાં બંદૂકમાંથી ધડાધડ ફાયરિંગ કરી હોવાની ફરીયાદ નોંધાઈ છે.

મળતી માહિતી મુજબ માળિયા મિયાણાના જખરીયા વાંઢ વિસ્તારમાં રહેતા ઈદ્રીશભાઈ જાકમભાઈ માલાણીએ આરોપી દિનમામદ જુનુસ જેડા, ગુલામ જુનુસ જેડા, જાવેદ અમરૂદિન જેડા, જાકીર આમદ જેડા રહે. બધા જખરીયા વાંઢ વિસ્તાર માળિયા મીયાણાવાળા વિરુદ્ધ માળિયા પોલીસ સ્ટેશનમાં ફરીયાદ નોંધાવતા જણાવ્યું હતું કે આરોપીઓ સાથે અંગાઉ સાથી ઇમરાનને બોલાચાલી થયેલ હોય જેનુ મનદુખ રાખી આરોપીઓએ પોતાનો સમાન ઇરાદો પાર પાડવા સફેદ કલરની સ્વીફટ ગાડીમાં આવી ફરીયાદી તથા સાથી ઇમરાનના મોટર સાયકલ નંબર GJ – 36-AM-4720 વાળાને પાછળથી મારી નાખવાના ઇરાદે ટકકર મારી પાડી દઈ તેમજ આરોપી જાવેદ અમરૂદીન જેડા તથા જાકીર આમદ જેડાએ ધોકાથી ફરીયાદીને જમણા પગમાં ઢીચણથી નિચે ઘા મારી ઇજા કરી તેમજ સાથી ઈમરાનને શરીરે ધોકાના ઘા મારી તેમજ ઈમરાન ભાગતા તેના ઉપર આરોપીઓ દિનમામદ જુનુસ જેડા તથા ગુલામ જુનુસ જેડા બંધુક જેવા હથીયારથી મારી નાખવાને ઇરાદે ફાયરીંગ કરી બંન્ને પગમાં ગંભીર ઇજા કરી હોવાની ફરીયાદ નોંધાવતા પોલીસે ફરીયાદના આધારે આરોપીઓ વિરુદ્ધ ભારતીય નાગરીક સુરક્ષા સંહીતા અધીનીયમ ૨૦૨૩ ની કલમ ૧૦૯(૧), ૧૧૫(૨), ૩(૫) આર્મ્સ એકટ કલમ ૨ ૫(૧-બી) (એ), ૨૭(૧),૨૭(૨) તથા જી.પી.એકટ કલમ ૧૩૫ મુજબ ગુનો નોંધી કાયદેસરની કાર્યવાહી હાથ ધરી છે.