પુષ્ય નક્ષત્ર નિમિત્તે મોરબીમાં નિઃશુલ્ક સુવર્ણપ્રાશન કેમ્પનું આયોજન, 0 થી 15 વર્ષના બાળકોને લાભ લેવા અપીલ

મોરબી શહેરમાં પુષ્ય નક્ષત્રના શુભ અવસરે આગામી તા. 18 જૂન, 2026 (ગુરુવાર)ના રોજ સંસ્કૃતિ આર્ય ગુરુકુલમ્, રાજકોટના સહયોગથી નિઃશુલ્ક સુવર્ણપ્રાશન ટીપાં પીવડાવવા માટે વિશેષ કેમ્પનું આયોજન કરવામાં આવ્યું છે.

આ કેમ્પમાં 0 થી 15 વર્ષ સુધીના બાળકોને સુવર્ણપ્રાશનના ટીપાં વિનામૂલ્યે પીવડાવવામાં આવશે. આયોજકો દ્વારા મોરબી શહેર અને આસપાસની તમામ સોસાયટીઓના વાલીઓને પોતાના બાળકોને સાથે લઈને આ આરોગ્યલક્ષી કેમ્પનો લાભ લેવા અપીલ કરવામાં આવી છે.

વિશેષ નોંધનીય છે કે, શ્રી ઉમિયા સિનિયર સિટીઝન ક્લબ, મોરબીના સભ્યો દ્વારા કેમ્પમાં નિઃશુલ્ક સેવા આપવામાં આવશે. દર વખતે મોટી સંખ્યામાં બાળકો આ કેમ્પનો લાભ લેતા હોય છે અને અંદાજે 150 જેટલા બાળકોને સુવર્ણપ્રાશન પીવડાવવામાં આવે છે.

આ કેમ્પ તારીખ 18 જૂન, 2026 (ગુરુવાર) સમય: સવારે 9:00 થી બપોરે 1:00 વાગ્યા સુધી સ્થળ: હનુમાનજી મંદિર, વિશ્વકર્મા સોસાયટી, નીલકંઠ સ્કૂલ સામે, રવાપર રોડ, મોરબી ખાતે યોજાશે. વધુ માહિતી માટે મો. 94272 13999 પર સંપર્ક કરવા આયોજકો દ્વારા જણાવાયું છે.