મોરબીમા બાઈકની ચાવી ના આપી તો સાળાનો બનેવી પર જીવલેણ હુમલો

મોરબી શહેરમાં નજીવી બાબતે સાળાએ પોતાના જ બનેવી પર લાકડાના ધોકા વડે જીવલેણ હુમલો કરી ગંભીર ઇજાઓ પહોંચાડી હોવાની મોરબી સીટી બી ડીવીઝન પોલીસ મથકે ફરિયાદ નોંધાઈ છે.

મળતી માહિતી મુજબ મોરબીના સામાકાંઠે આવેલ શોભેશ્વર રોડ પર આવેલ શાંતિવન સોસાયટીમાં રહેતા નરેન્દ્રભાઈ કરૂણાંશંકર મહેતા (ઉ.વ.૩૫) એ આરોપી સુનિલ ઉર્ફ બાવલો કાંતિભાઈ પાડલિયા રહે. ઘુંટુ રોડ સિલ્વર પાર્ક સોસાયટી મોરબી વાળા વિરુદ્ધ મોરબી સિટી બી ડિવિઝન પોલીસ સ્ટેશનમાં ફરીયાદ નોંધાવતા જણાવ્યું હતું કે ફરીયાદિ પાસે આરોપીએ ફરીયાદીનું એકટીવા માંગતા ફરીએ નહી આપતા આરોપીને સારૂ નહી લાગતા જેમફાવે તેમ ગાળો આપી આરોપીએ ફરીયાદિને લાકડાના ધોકા વતી માથાના ભાગે તથા શરીરે નાની મોટી ઈજાઓ પહોંચાડી ફરીને જાનથી મારી નાખવાની ધમકી આપી હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી આગળની કાર્યવાહી હાથ ધરી છે.