મોરબીમાં પ્લાસ્ટિક વેસ્ટ કલેક્શન ઝુંબેશ હેઠળ હિરાસર રોડ પર સફાઈ અભિયાન

વોર્ડ નં. 9ના કોર્પોરેટરો અને સ્થાનિકોએ આપી સ્વચ્છતા અંગે જનજાગૃતિનો સંદેશ

રાજ્ય સરકારના “સ્વચ્છ ગુજરાત, પ્લાસ્ટિક ફ્રી ગુજરાત” અભિયાનને સફળ બનાવવા મોરબી મહાનગરપાલિકા દ્વારા આયોજિત પ્લાસ્ટિક વેસ્ટ કલેક્શન ઝુંબેશ અંતર્ગત આજે વોર્ડ નં. 9 વિસ્તારના હિરાસર રોડ પર સફાઈ અભિયાન હાથ ધરવામાં આવ્યું.

આ અભિયાનમાં વોર્ડ નં. 9ના કોર્પોરેટર નવનીતભાઈ ભુદરભાઈ કુંડારિયા, હિરેનભાઈ પરબતભાઈ કરોતરા, ભગવતીબેન મહેશભાઈ કુંડારિયા તેમજ નૂતનબેન હરસુખભાઈ વિડજા સહિત કાર્યકર્તાઓ જોડાયા હતા. તેમણે સ્વચ્છતા અને પ્લાસ્ટિક મુક્તિ અંગે જનજાગૃતિનો સંદેશ આપ્યો હતો.

સ્વચ્છ અને પ્લાસ્ટિક મુક્ત મોરબીના નિર્માણ માટે મહાનગરપાલિકાની ટીમ, સફાઈ કર્મચારીઓ તેમજ સ્થાનિક નાગરિકોએ પણ ઉત્સાહપૂર્વક સહભાગી બની અભિયાનને સફળ બનાવ્યું હતું.