મોરબીના મોટી વાવડી ગામે ઓરડીમાંથી ઇંગ્લિશ દારૂનો જથ્થો ઝડપાયો

મોરબી તાલુકાના મોટી વાવડી ગામની ગુંદાવાડી સીમમા ઓરડીમાંથી ઇગ્લીશ દારૂનો જથ્થો મોરબી તાલુકા પોલીસે ઝડપી પાડયો છે.

મોરબી તાલુકા પોલીસ સ્ટાફને બાતમી મળેલ કે, “વિજયસિંહ સજુભા જાડેજા રહે. મોટીવાવડી તા-જી મોરબી વાળો મોટી વાવડી ગામની ગુંદાવાડી સીમમાં પોતાના કબ્જા ભોગવટાવાળી વાડીની ઓરડીમાં ઇગ્લીશ દારૂનો જથ્થો રાખી ચોરી છુપીથી તેનુ વેંચાણ કરે છે” જે મળેલ બાતમીના આધારે બાતમીવાળી જગ્યાએ સર્વેલન્સ સ્ટાફે રેઇડ કરી ઇંગ્લીશ દારૂ વ્હીસ્કીની પ્લાસ્ટીકની બોટલ નંગ-૨૦૧૬ કૂલ કિ.રૂ.૩, ૭૪,૯૭૬/- નો મુદ્દામાલ કબ્જે કરી આરોપી વિરૂદ્ધ મોરબી તાલુકા પોલીસ સ્ટેશન ખાતે પ્રોહીબીશન એકટ હેઠળ ગુન્હો નોંધી આગળી તપાસ પોલીસ હેડ કોન્સ.ડી.એ.વાધડીયા નાઓ ચલાવી રહે છે.