વાંકાનેરના ખીજડીયા રાજ ગામે દેશી દારૂના ભઠ્ઠા પર પોલીસનો દરોડો: 76 હજારનો મુદ્દામાલ ઝડપાયો

વાંકાનેર તાલુકાના ખીજડીયા રાજ ગામની કણકોટીયુ તરીકે ઓળખાતી સીમમા આવેલ આરોપીની કબ્જા ભોગવટા વાળી વાડીની ઓરડીમાથી દેશી દારૂ બનાવવાનો ઠંડો આથો તથા દેશી દારૂના જથ્થા સહીત કિ રૂ.૭૬,૫૦૦/- ના મુદ્દામાલ વાંકાનેર તાલુકા સર્વેલન્સ ટીમે ઝડપી પાડયો છે.

વાંકાનેર તાલુકા પોલીસ સ્ટેશનનો સર્વેલન્સ સ્ટાફ પેટ્રોલીંગમા હોય તે દરમ્યાન ખાનગી રાહે મળેલ બાતમીના આધારે સર્વેલન્સ સ્ટાફ દ્વારા વાંકાનેર તાલુકાના ખીજડીયા રાજ ગામની કણકોટીયુ તરીકે ઓળખાતી સીમમાં આવેલ આરોપીની કબ્જા ભોગવટા વાળી વાડીની પતરાની ઓરડીમાંથી દેશી દારૂ બનાવવાનો ઠંડો આથો લીટર-૨૫૦૦ કિ.રૂ.૬૨,૫૦૦/- તથા દેશી દારૂ લીટર-૭૦ કી.રૂ.૧૪,૦૦૦/- મળી કુલ કી.રૂ.૭૬,૫૦૦/- નો મુદામાલ પકડી પાડી આરોપી નિલેશભાઇ રવજીભાઇ સોલંકી રહે. ખીજડીગા રાજ તા.વાંકાનેરવાળા વિરૂધ્ધ પ્રોહીબીશન એક્ટ મુજબનો ગુન્હો રજીસ્ટર કરવામાં આવેલ છે. તેમજ વાંકાનેર તાલુકા સર્વેલન્સ ટીમેને પ્રોહી ધારાનો કેસ શોધી કાઢવામાં સફળતા મળેલ છે.