મોરબીના મહેન્દ્રનગરમાં રૂ. 3.81 કરોડના ખર્ચે સ્ટ્રોમ વોટર અને ડ્રેનેજ પ્રોજેક્ટનું ખાતમુહૂર્ત કરાયું 

મોરબી મહાનગરપાલિકા હદવિસ્તારમાં આવેલ મહેન્દ્રનગર વિસ્તારમાં વરસાદી પાણીના યોગ્ય નિકાલ તથા સુવ્યવસ્થિત નગર વિકાસને પ્રાથમિકતા આપતાં સ્ટ્રોમ વોટર અને ડ્રેનેજ નેટવર્કના અંદાજિત રૂ. ૩.૮૧ કરોડના વિકાસકાર્યનું ખાતમુહૂર્ત કરવામાં આવ્યું.

આ વિકાસકાર્ય પૂર્ણ થતાં વિસ્તારના નાગરિકોને વધુ સુવિધા, સ્વચ્છતા અને આધુનિક સુવિધાઓનો લાભ મળશે તેમજ વિસ્તારના સર્વાંગી વિકાસને નવી દિશા મળશે. આ અવસરે વોર્ડ નંબર – ૦૩ના કોર્પોરેટર જીગ્નેશભાઈ કૈલા, ભૂપેન્દ્રભાઈ જારીયા, અર્પિતાબા પુષ્પરાજસિંહ જાડેજા, રમાબેન બોપલીયા , પૂર્વ કાઉન્સિલર પ્રકાશ ચબાડ તેમજ સ્થાનિક આગેવાનો, કાર્યકર્તાઓ ઉપસ્થિત રહ્યા હતા.