ટંકારાના સરાયા ગામે રેઇડ દરમિયાન 289 લીટર દેશી દારૂ સાથે એક ઝડપાયો

ટંકારા તાલુકાના સરાયા ગામે રહેણાંક મકાનમાંથી દેશી દારૂ લીટર ૨૮૯ કિં.રૂ. ૫૭,૮૦૦/-ના મુદામાલ સાથે એક આરોપીને મોરબી ક્રાઈમ બ્રાંચે ઝડપી પાડ્યો છે.

મોરબી એલસીબી તથા પેરોલ ફર્લો સ્કવોડને ખાનગી રાહે બાતમી મળેલ કે, ટંકારા તાલુકાના સરાયા ગામે રહેતા ઈમ્તીયાઝ ઉર્ફે ઇન્તુ અબ્દુલભાઈ જેશાણી પોતાના કબજા ભોગવટા વાળા રહેણાંક મકાનમા દેશીદારૂ રાખી તેનુ ખાનગીમા વેચાણ કરે છે તેવી બાતમી મળતા એલ.સી.બી./પેરોલ ફર્લો સ્કવોડ સ્ટાફ સાથે ટંકારા તાલુકાના સરાયા ગામે બાતમીવાળી જગ્યાએ રેઇડ કરતા તેના રહેણાંક મકાનમાંથી દેશી દારૂ લીટર ૨૮૯ કિં.રૂ. ૫૭,૮૦૦/-ના મુદામાલ સાથે આરોપી ઈમ્તીયાઝ ઉર્ફે ઇન્તુ અબ્દુલભાઈ જેશાણી રહે. સરાયા તા.ટંકારાવાળાને પકડી પાડી પુછપરછ કરતા અન્ય એક શખ્સ રાહુલ દેવીપુજક રહે. જારીયા તા.જી.રાજકોટવાળા વિરુદ્ધ ટંકારા પોલીસ સ્ટેશન ખાતે પ્રોહીબીશન ધારાતળે ગુનો નોધાવી આગળની ધોરણસરની કાર્યવાહી કરેલ છે.