માળિયામાં જૂની અદાવતમાં યુવાન પર છરી વડે જીવલેણ હુમલો

માળિયા મિંયાણામાં સામાન્ય બોલાચાલીનો ખાર રાખી એક યુવાન પર છરી વડે હુમલો કરવાની ઘટના સામે આવી છે. હોટલ પર ચા પીવા બેઠેલા યુવાન પર પાછળથી હુમલો કરી તેને ગંભીર ઈજાઓ પહોંચાડી હોવાની ફરીયાદ નોંધાઈ છે.

મળતી માહિતી મુજબ માળીયા મીયાણા શહેરમાં જખરીયા પાટી વોર્ડ નં-1 માં રહેતા ગુલામ જુનસ જેડા (ઉ.વ.૩૦) એ આરોપી મયુદિન અબ્બાસભાઈ માલાણી રહે. જખરીયા પીંઢ વિસ્તાર માળીયા મીયાણાવાળા વિરુદ્ધ માળીયા પોલીસ સ્ટેશનમાં ફરીયાદ નોંધાવતા જણાવ્યું હતું કે ફરીયાદીના કાકાના દિકરાના લગ્નમાં આરોપીને મોટરસાઇકલ ધીરે ચલાવવા બાબત કહેતા બંન્ને વચ્ચે સામન્ય બોલાચાલી થયેલ તે વાતનો ખાર રાખી આરોપીએ ફરીયાદી સાથે બોલાચાલી કરી ઝપાઝપી કરી ગાળો આપી એકદમ ઉશ્કેરાઇ જઇ છરી વતી ફરીયાદિને જમણી બાજુ વાસામા પડખાના ભાગે એક ઘા મારી ગંભીર ઈજા પહોચાડી હોવાની ફરીયાદ નોંધાવતા પોલીસે ફરીયાદના ગુન્હો નોંધી કાયદેસરની કાર્યવાહી હાથ ધરી છે.