મોરબીના રંગપર (બે) ગામની સીમમાંથી દેશી દારૂ ભરેલ બોલેરો ઝડપાઈ

મોરબી તાલુકાના રંગપર (બે) ગામની સીમમાં એલીયન્ટ સીરામીકની પાછળ કાચા રસ્તેથી દેશીદારૂનો મસમોટો જથ્થો ભરેલ મહેન્દ્ર બોલેરો પીક-અપ કાર મોરબી તાલુકા પોલીસે ઝડપી પાડયો છે.

મોરબી તાલુકા પોલીસ ટીમ પેટ્રોલીંગમાં હોય તે દરમ્યાન બાતમી મળેલ કે, એક સંદેફ કલરની મહેન્દ્ર કંપનીની બોલેરો પીક-અપ કાર રજીસ્ટર નંબર-GJ-03- AZ-8667 જેના આગળના કાચમાં લાલા અક્ષરમાં અંગ્રેજીમાં “ Hassan” લખેલ વાળી કૈફી પીણુ ભરી મોરબી તરફ થી જેતપર બાજુ આવે છે” જે મળેલ બાતમીના આધારે રેઇડ કરતા બોલેરો ગાડીમાંથી દેશીદારૂ લી-૧૦૦૦ કિં.રૂ. ૨,૦૦,૦૦૦ તથા મહેન્દ્ર કંપનીની બોલેરો પીક-અપ કાર જેની કિં.રૂ.૩,૦૦,૦૦૦/- એમ મળી કુલ્લે રૂ. ૫,૦૦, ૦૦૦નો મુદ્દામાલ પોલીસે ઝડપી પાડી આરોપી બોલેરો ચાલક સ્થળ પરથી નાસી છૂટતા આરોપી વિરુદ્ધ પ્રોહિબિશન એક્ટ હેઠળ ગુન્હો નોંધી કાયદેસરની કાર્યવાહી હાથ ધરી છે.