મોરબી: ‘સમસ્ત મચ્છુકાંઠા રબારી સમાજ ટ્રસ્ટ’ દ્વારા ભવ્ય રબારી ગરબા મહોત્સવનું આયોજન

મોરબીમાં ‘સેવા, શિક્ષણ અને સંગઠન’ના ઉદ્દેશ્ય સાથે કાર્યરત ‘સમસ્ત મચ્છુકાંઠા રબારી સમાજ ટ્રસ્ટ’ દ્વારા પરંપરા અને સંસ્કૃતિને જાળવી રાખવા માટે ‘રબારી ગરબા મહોત્સવ – 2026’નું આયોજન કરવામાં આવ્યું છે. આ મહોત્સવ તારીખ 11 ઓક્ટોબર 2026 થી 19 ઓક્ટોબર 2026 દરમિયાન મોરબીના રવાપર – લીલાપર કેનાલ રોડ પર આવેલા સમરસ ભવન ગ્રાઉન્ડ ખાતે યોજાશે.

આ ગરબા મહોત્સવ ખાસ કરીને રબારી સમાજના ભાઈઓ અને બહેનો માટે જ આયોજિત કરવામાં આવ્યો છે, જ્યાં સમાજના ખેલૈયાઓ પોતાની સંસ્કૃતિના રંગે રંગાઈને ગરબે ઘૂમી શકશે. આ આયોજન અંગે વધુ માહિતી મેળવવા અથવા સંપર્ક કરવા માટે ટ્રસ્ટ દ્વારા 9512064000 અને 9512065000 મોબાઈલ નંબર જાહેર કરવામાં આવ્યા છે, અને સમાજના લોકોને બહોળી સંખ્યામાં ઉપસ્થિત રહેવા અપીલ કરાઈ છે.