ટંકારામાં બંધ મકાનને નિશાન બનાવી તસવીરોએ કરી રૂ. 2.47 લાખના દાગીનાની ચોરી

ટંકારાની લક્ષ્મીનારાયણ સોસાયટીમાં રહેતા યુવકના બંધ ઘરમાંથી અજાણ્યા ચોરોએ લોખંડના કબાટના તાળાં તોડીને સોના-ચાંદીના રૂ. 2.47 કિંમતી દાગીનાની ચોરી કરી લઈ ગયા હોવાની ફરીયાદ નોંધાઈ છે.

મળતી માહિતી મુજબ મોરબી ટંકારાની લક્ષ્મીનારાયણ સોસાયટીમાં રહેતા સુનીલભાઈ મોહનભાઈ રાઠોડે આરોપી અજાણ્યા ચોર ઈસમ વિરુદ્ધ ટંકારા પોલીસ સ્ટેશનમાં ફરીયાદ નોંધાવતા જણાવ્યું હતું કે અજાણ્યા ચોર ઇસમે ફરીયાદીના રહેણાંક મકાનમાં દિવસ દરમ્યાન ગુપ્ત ગૃહ અપપ્રવેશ કરી રૂમમાં લોખંડના કબાટના લોક તોડી તેમાં રાખેલ ચાદીના પગમાં પેરવાની કળી જોડ નંગ-૦૧, ચાંદીના છળા ચાર લાઇન વાળા જોડ નંગ-૦૧ તથા ચાંદીના સાંકરા જોડ નંગ-૦૧ તથા ચાંદીના નાના સાંકરા જોડ નંગ-૦૧, ચાંદીનું મંગળસુત્ર-૦૧ જેનો આશરે કુલ વજન ૯૯૮ ગ્રામ કિ.રૂ. ૧,૩૮,૬૦૦/- તથા સોનાની પાનબુટી જોડ નંગ-૦૧ જેનો આશરે વજન ૯ ગ્રામ કિ.રૂ. ૧,૦૯,૦૦૦/- મળી સોના ચાંદીના દાગીનાની કુલ કિ.રૂ.૨, ૪૭,૬૦૦/-ના મુદામાલ તથા તેના બીલની ચોરી કરી લઇ ગયા હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી આગળની કાર્યવાહી હાથ ધરી છે.