મોરબીના નવી પીપળી ગામે રહેણાંક મકાનમાંથી રોકડ રૂપિયાની ચોરી 

મોરબી તાલુકાના નવી પીપળી ગામે ઓમ પાર્કમાં યુવકના રહેણાંક મકાનને તસ્કરોએ નિશાન બનાવી રહેણાંક મકાનમાં પ્રવેશી મકાનમાંથી રોકડ રૂપિયા ૫૫૦૦ ના મુદામાલની ચોરી કરી લઈ ગયા હોવાની ફરીયાદ નોંધાઈ છે.

મળતી માહિતી મુજબ મોરબી તાલુકાના નવી પીપળી ગામે ઓમપાર્ક સોસાયટીમાં રહેતા સંદિપભાઈ રમેશભાઈ કાલરીયા (ઉ.વ.૩૬) એ આરોપી અજાણ્યા ચોર ઈસમ વિરુદ્ધ મોરબી તાલુકા પોલીસ સ્ટેશનમાં ફરીયાદ નોંધાવતા જણાવ્યું હતું કે કોઇ ચોર ઇસમ ફરીયાદીના રહેણાક મકાનના મેઇન દરવાજા વાટે પ્રવેશ કરી હોલ ના દરવાજા નો લોક , નકુચો તોડી હોલમાં પડેલ ફ્રીજના કવરના ખાના રાખેલ રોકડા ૫૫૦૦/- તથા એક પર્સ ની ગોલ્ડર કલર ખોટી ચેઇન તથા કુલ ૫૫૦૦ રોકડાની કોઇ અજાણ્યા ચોર ઇસમ ચોરી કરી લઈ ગયો હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી કાયદેસરની કાર્યવાહી હાથ ધરી છે.