વાંકાનેરના દીઘલીયા ગામે યુવક પર છરી વડે હુમલો 

વાંકાનેર તાલુકાના દીઘલીયા ગામે યુવકના ભત્રીજા સાથે આરોપીએ બોલાચાલી કરેલ હોય જે બાબતે સમજાવવા જતા યુવક પર આરોપીએ છરી વડે હુમલો કરી બીજા પહોંચાડી હોવાની વાંકાનેર તાલુકા પોલીસ સ્ટેશનમાં ફરિયાદ નોંધાઈ છે.

મળતી માહિતી મુજબ વાંકાનેર તાલુકાના દિઘલિયા ગામે રહેતા રુક્મુદ્દીનભાઈ હુસેનભાઇ શેરસીયા(ઉ.વ.૩૯) એ તેમના જ ગામના આરોપી તનવીરભાઈ ગફારભાઈ ખલીફા વિરુદ્ધ વાંકાનેર તાલુકા પોલીસ સ્ટેશનમાં ફરીયાદ નોંધાવતા જણાવ્યું હતું કે આરોપીએ ફરિયાદીના ભત્રીજા સાથે બોલાચાલી કરેલ હોય જે બાબતે ફરિયાદીએ ઝઘડો ન કરવા સમજાવતા આરોપી એકદમ મુશ્કેલાઈ જાય ફરિયાદીને ભૂંડી ગાળો આપે તથા પોતાની પાસે રહેલ છરી વડે ફરિયાદીને ઇજા પહોંચાડી હતી જેથી આ બનાવ અંગે ફરિયાદ નોંધાવતા પોલીસે ફરિયાદના આધારે ગુનો નોંધી આગળ તપાસ હાથ ધરી છે.