મોરબી: લૂંટ અને પ્રોહિબિશનના ગુનામાં નાસતા-ફરતા બે આરોપીઓ ઝડપાયા

આઇ.જી.પી. સરદહી રેન્જ ભુજની નાસતા ફરતા આરોપી પકડવા અંગેની સ્પેશ્યલ ડ્રાઇવ દરમિયાન લુંટ તથા પ્રોહિબિશનના ગુન્હામાં નાસતા ફરતા બે આરોપીઓને મોરબી એલ.સી.બી./ પેરોલફર્લો સ્કોડની ટીમે ઝડપી પાડયા છે.

સરહદી રેન્જ ભુજ દ્વારા રેન્જના જીલ્લાઓના નાસતા ફરતા આરોપીઓ તેમજ ચાલુ તપાસના પકડવા ઉપરના બાકી આરોપીઓ પકડી પાડવા માટે તા.૦૧/૧૦/૨૦૨૬ થી તા.૧૫/૧૦/૨૦૨૬ સુધી સ્પેશ્યલ ડ્રાઇવનું આયોજન કરતા ડ્રાઈવ અનુસંધાને મોરબી તથા એલ.સી.બી./પેરોલફર્લો સ્કવોડ સ્ટાફ સાથે નાસતા ફરતા આરોપીઓને પકડવા માટે ટેકનીકલ માધ્યમથી, હ્યુમન સોર્શીસ અને ખાનગી બાતમીદારો મારફતે નાસતા ફરતા આરોપીઓના છુપાવાના આશ્રય સ્થાનો વિગેરે સ્થળે તેને શોધી કાઢવા પ્રયત્નશીલ હોય તે દરમ્યાન ખાનગીરાહે મળેલ બાતમીના આધારે લુંટના ગુન્હામાં નાસતા ફરતા આરોપી રણમલ ઉર્ફે મુખી દિલાવરભાઇ સામતાણી (ઉ.વ.૪૩) રહે.ખીરઇ તા. માળીયા(મીં) જી.મોરબી વાળો તેના રહેણાક મકાનેથી મળી આવતા અટક કરી મોરબી તાલુકા પોલિસ સ્ટેશનને સોંપી આપેલ છે. તથા પ્રોહિબિશનના ગુન્હામા નાસતી ફરતી મહિલા આરોપી મુસ્કાનબેન અબ્બાસભાઈ કટીયા (ઉ.વ.૨૧) રહે. માળીયા વનાળીયા સોસાયટી મોરબી-૨ વાળીને મહિલા પોલીસ કર્મચારી સાથે રાખી મોરબી ગ્રીન ચોક ખાતેથી અટક કરી વાંકાનેર સીટી પો.સ્ટે.ને સોંપી આપેલ છે.