મોરબીમાં તસ્કરોનો આતંક: વીસીપરા વિસ્તારમાંથી એકસાથે 6 ટ્રેક્ટરની બેટરીઓની ચોરી

મોરબીના વીસીપરા વિજયનગર વિસ્તારમાં રાત્રિના સમયે અજાણ્યા તસ્કરોએ ખાલી જગ્યામાં પાર્ક કરેલા ટ્રેક્ટરોને નિશાન બનાવી તરખાટ મચાવ્યો છે. વિજયનગર શેરી નં. ૧ રોહિદાસ પરા વિસ્તારમાં પાર્ક કરેલા અલગ-અલગ માલિકોના કુલ ૬ ટ્રેક્ટરોમાંથી એમરોન કંપનીની બેટરીઓની ચોરી કરી લઈ ગયા હોવાની ફરીયાદ નોંધાઈ છે.

મળતી માહિતી મુજબ મોરબીના વિસીપરા વિજયનગર શેરી નં -૦૧મા રહેતા ધર્મેશભાઈ દેવજીભાઈ મકવાણાએ આરોપી અજાણ્યા ચોર ઈસમ વિરુદ્ધ મોરબી સિટી બી ડિવિઝન પોલીસ સ્ટેશનમાં ફરીયાદ નોંધાવતા જણાવ્યું હતું કે ફરીયાદી તથા સાથીઓના અલગ અલગ ટ્રેક્ટરોમાથી બેટરી નંગ -૦૬ કિંમત રૂપિયા ૪૨૦૦૦ નાં મુદ્દામાલ ની કોઈ અજાણ્યો ચોર ઈસમ ચોરી કરી લઈ ગયો હોવાની ફરીયાદ નોંધાવતા પોલીસે ફરીયાદના આધારે ગુન્હો નોંધી આગળની કાર્યવાહી હાથ ધરી છે.