ટંકારામાં રહેણાંક મકાનમાંથી વિદેશી દારૂના જથ્થા સાથે એક ઈસમ ઝડપાયો

ટંકારા શહેરમાં આવેલ સરદારનગર -03 માં આરોપીના રહેણાંક મકાનમાંથી વિદેશી દારૂનો જથ્થા સાથે એક ઈસમને ટંકારા પોલીસે ઝડપી પાડયો છે.

મળતી માહિતી મુજબ ટંકારા પોલીસ ટીમ પેટ્રોલીંગમાં હોય તે દરમિયાન મળેલ બાતમીના આધારે બાતમીવાળી જગ્યાએ રેડ કરતા ટંકારાના સરદારનગર -૦૩ માં રહેતા આરોપી ઇમારનભાઈ ઉર્ફે બોટલ હનીફભાઇ વીકીયા (ઉ.વ.૨૩) એ પોતાના કબ્જા ભોગવટવાળા રહેણાંક મકાનમાં વેચાણ કરવાના ઈરાદાથી રાખેલ ઇંગ્લીશ દારૂ (૧) ગ્રીન લેબલ એકસપોર્ટ સ્પેશ્યલ વ્હીસ્કી ૭૫૦ એમ.એલ.ની બોટલો નંગ-૨૪ કી.રૂ.૧૫,૩૮૪/- (૨) વાઇટ લેક ઓરેંજ ફલેવર વોડકા ૭૫૦ એમ.એલ.ની બોટલો નંગ-૧૩ કી.રૂ. ૯૧૨૬/- (૩) 8 PM સ્પેશ્યલ રેર વ્હીસ્કી ૧૮૦ એમ.એલ.ના પ્લાસ્ટીકના ચપલા નંગ-૬૪ કી.રૂ.૭૬૮૦/- મળી કુલ બોટલો/ચપલા નંગ-૧૦૧ કુલ કી.રૂ. ૩૨,૧૯૦/- તથા મોબાઇલ ફોન નંગ-૦૧ કી.રૂ. ૫,૦૦૦/- મળી કુલ કી.રૂ. ૩૭,૧૯૦/- નો મુદામાલ સાથે આરોપીને ઝડપી પાડી આરોપી વિરુદ્ધ પ્રોહીબિશન એક્ટ હેઠળ ગુન્હો નોંધી કાયદેસરની કાર્યવાહી હાથ ધરી છે.